مشاركة من قـــارىء

وصلتنى هذه الرسالة عبر البريد و أعجبنى الموضوع ، ولذا أود أن اشارككم قرائته

----------------------------

... كنت مثلك اقول مستحيل نحب انسان بس بالسمع من غير مانشوفه بس من بعد تجربة رفيجتي اقتنعت ان كل شي فالحب جايز

فآخر كورس فالجامعة وتحديدا فليلة امتحا مادة كانت تكرها وااايد بغت ترسلي مسج انها خلاص أيست من المراجعة ومو قادرة تستوعب اكثر ويالت تقدر تبرشم القوانين !! بس تعرف رقم قاعة الامتحان بالاول عشان تجوف اذا الجو يسمح او لا << تخطيط مسبق
وبدال لاترسلي المسج ارسلته لرقم يختلف بظبط عن رقمي برقم واحد

رد هالشخص عليها وذكرها بأية وحديث عن الغش وعلى باله انها شاب

شكرته واعتذرته منه

فقالها انتي بنت وتبرشمين !! استغرب وكلامه استفزها فردت عليه برساله مختصرها انها اعتذرت وماله داعي يطلع فيها وااايد ورد عليها واعتذر وانتهى الموضوع


مر اكثر من شهر

ارسلها يبارك لها بالعيد
هي نست الموضوع ولما شافت الرقم تذكرت
وماردت قالت فاضي

رسلها بعد مده يطمن على نتايجها
وماردت قالت فاضي

واستمر على هالحال
لين كلموا بعض بالمسجات
اسلوبه حلو وهي نفس الشي

بعد مدة طويله من مسجاتهم لبعض كلمها مره وحده تقريبا فوق الساعتين وكان من دولة خليجيه غير ديرتها وان الرقم اللي ارسلته عليه كان رقمه لما يجي يزور اهله بنفس ديرتها

كان جااااد وصريح فوق ماتخيل واتفقوا ان هالمكالمه ماراح تكرر اذا ماتفقوا واقتنعوا بظروف بعض كلمها عن نفسه وعن ظروفه بكل صراحه
هي انصدمت ولامت نفسها وااايد لأن كان ومزوج !! المهم كانت عنده مشاكل مع زوجته نتيجة فروقات وايد بينهم سوى التعليم او المستوى وكان في فترة يدور على زوجه واهله يخطبون له لكن ربك ماراد ان يخطب يعني فكرة الزواج كانت وارده عنده وبالفعل قاعد يدور

هي طلعتله فوقت كان هو يبي انسانه تفهمه وتناسبه وهله مافهموا هالشي ومصرين على المواصفات التقليديه ماكان يبي اي وحده وهي ماكانت تبي اي واحد

تمنوا لبعض التوفيق وسكره وبينتله موقفها ورفضها لفكرة الزواج الثاني
وكانت مكالمتهم لبعض اغلبها نقاش جااد ووجهات نظر مختلفه بغض النظر عن من يكون واهي من تكون

سكرت التلفون وهي حاسه بنجذاب مو طبيعي له ولأسلوبه وطريقته فالكلام وتمنت ان ماكان مزوج

مرت الايام وهو فبالها وشاغل تفكيرها وهو مانساها وكان يفكر فيها

رجع وسأل عليها وتكلموا فتره هي ماقدرت حست انها وااايد منجذبه له كنت اقول دايما اقول المسلسلات وايد يبالغون فيها بس من عقب تجربتها اقتنعت ان فالحياه قصص وتجارب أقوى من قصص المسلسلات

صارحها بكل شي يخصه بكل شي وبعجابه فيها والصراحه هي تنحب اسلوب وفكر وشخصيه غصب تنحب
ارتاحوا لبعض وقالها ان مايبي الموضوع يتطور اكثر من غير لا يكون شي فالاخير يسعون له فاذا هي قابله فيه وظروفه فهو يبي الموضوع يكون رسمي ولا يكون بهالطريقه خاف عليها وخاف على نفسه لا ينجرفون ورا احاسيسهم وفالاخير مايصير شي

قالت بفكر

قالها فكري وصلي استخاره

صلت وفكرت واستشارت وارتاحت

بس يبقى انه مزوج

قالت ماقدر اعيش وانا حاسه ان في احد يشاركني فيك

رضى وابتعد

ورجع ورجعت

وابتعدو

ورجعوا

ابتعدوا

رجعوا
وتموا على هالحال لمدة سنة تقريبا بين فرقى واجتماع ودموع وفرح وبشوق بكل مره يزيد تمنت ان لعقلانيتها يكون دور بس للأسف كان دور فاشل وهو تمنى يكون لإلتزامه وعمره دور عشان يشيلها من باله
بس للأسف
ماصااااار

اتفقوا على اشيا وااايد وتفاهموا عليها بذات ان اسباب زواجه الثاني كانت منطقية
شافت صور كثيييييييييييييييييييييييره له وهو شاف لها صوره وحده بس من عقب شكثر؟؟ من عقب سنه كااااامله يجمعهم فبعص الصوت بس !! اما نهم يتلاقون معبعض فالصج كانت دايما تقوله بجوفيني فبيت هلي ان شاء الله

كلم اهله عشان يخطبونها له قالتله لا مو اللحين انتظر شوي عندي ظروف وبعد فترةعرفوا بيتهم وعرفت موقف اهلها ورفضهم له ولظروفه ولجنسيته بعد !! وين خليجنا واحد؟!! مادري بس ماينلامون بنتهم صغيره دارسه وجميله يعطونها لمزوج ليش حتى لو ماكان يعيبه شي غير زواجه !! اسباب منطقية ... طلبت من بيتهم يشوفونه مارضوا وتعقدت الامور اكثر

تعب وتعبت
لأنهم بختصار حبوا وتعلقوا فبعض لأسباب وااااااااااايد صعب اقولها لك هي لقت فيه الانسان اللي تبيه وهو لقى فيها البنت اللي كان يتمناها واتفق قلبه وعقله فختيارها من بعد ماكانو خايفين من بعض فالبدايه وخاصة الطريقة اللي عرفوا بعض فيها هي كانت خايفه منه وااايد وحذره وهو نفس الشي وسبحان الله مع الوقت تبدلت كل هالاحاسيس بأحاسيس ثانيه وايد أحلى من الخوف والتردد

وفالاخير اقتنعوا ان الله ماكتب ان يجمعهم بيت واحد رغم ان هاذي كانت امنتيهم
وخلال فترة معرفتها فيه تغيرت اشيا وايد فيها وفحياتها الكل ملاحظ انها للأحسن وزاد شخصيتها الحلوة حلى ثاني وتغير كبير وخاصة بعلاقتها بربها

ومازال يسأل عليها من فتره لي الثانيه ومازالت تنتظره وتنتظر مكالمته مع انهم خلاص اقتنعواانهم مو لبعض واحسن كل واحد يشوف حياته بدون لا يتعب الثاني وعلى اساس رب أخ لك لم تلده أمك

مع ان احساسهم فبعض عمره ماراح يكون مثل الاخوان

عندها احساس غريب من ناحيته وان الله بيجمعهم مع بعض بس شلون ماتدري
دايما تدعيله ياخذ اللي احسن منها وهو دايما يدعيلها تاخذ اللي احسن منه

هاذي الحب احب لك كل شي حتى لو ماكنت لي وكنت معاك

ساعات كنت احس ان تجربتها تنفع مسلسل وكنت اضحك عليها
بس لما شفت اصراره وحبه لها وخوفه عليها وموقفه مع اهله اللي بعدين رفضوا تأكدت ان الروح والقلب يحب قبل العين

موضوع العشق بالسمع واسلوبك فيه رووووووووعه
خلاني اكتبلك هالايميل واشكرك عليه

نسخت هالموضوع وارسلته لصديقتي

--------------------

... وسوف انشر عن قريب مقالة عن العشق الذى يقع بدون النظر